प्रतिज्ञा

मराठी ही माझी मातृभाषा आहे.
मराठी भाषेवर माझे नितांत प्रेम आहे.
माझ्या मायमराठीला मी सदैव मान देईन.
इतर सर्व भाषांचा, नेहमी आदर करीन.
त्या भाषा मायमराठीच्या, बहिणी आहेत.
जागतिक व राष्ट्रभाषा याबरोबरच मी मराठीचा देखील नेहमी वापर करीन.
मराठी भाषेचे जतन व संवर्धन करण्याची मी प्रतिज्ञा करीत आहे.
मराठी भाषेचे आद्य सारस्वत माऊली ज्ञानेश्वरांपासून सर्वच मला वंदनीय आहेत.
महाराष्ट्राचे महत्व मराठी भाषेच्या विकासातच आहे, याची मला जाणीव आहे.
मराठी भाषेची जडणघडण प्रादेशिक बोलींमधील विविधता व त्यातून निर्माण होणारी भारताची एकता आणि अखंडता जपण्यासाठी मी सदैव प्रयत्न करीन.
मराठी भाषेच्या विकासार्थ जास्तीत जास्त निदोर्ष बोलेन, लिखाण दर्जेदार होण्यासाठी प्रयत्नशील राहीन।
महाराष्ट्र माझा आणि मराठी माझी यांची सदैव आठवण ठेवीन.
मराठीच्या विकासातच माझा विकास आहे, म्हणूनच मी मराठीच्या विकासार्थ झटेन.
मी मराठी बोलतो, लिहितो आणि वाचतो, याचा मला अभिमान व स्वाभिमान आहे.
जय मराठी जय महाराष्ट्र जय हिंद
------------------------------------------------
पाहुणे जरी असंख्य पोसते मराठी
आपुल्या घरीच हाल सोसते मराठी
हे असे कितीक खेळ पाहते मराठी
शेवटी मदांध तख्त फोडते मराठी
- कवी सुरेश भट
*************************************************